MIKEL RAZKIN ARRANOKO XAKE TORNEOAREN PALMARESEAN SARTU DA.
2014ko
irailaren 7tik 11ra jokatu da Arrano Elkarteko XVIII. Xake Txapelketa, xakelari
euskaldunontzat antolatutako txapelketa.
22 jokalari aritu dira: Mikel Gurea, Mikel Deuna, Gazte
Berriak, ANASAPS, Orvina eta Arrano Elkarteko jokalariak.
Jokalari oso gazteen presentzia
nabaria izan da eta erakutsitako maila aipatzeko modukoa. Laster helduak
gaindituko dituzte.
Hori nabaria izan bada ere, azkeneko
sailkapenean helduak nagusitu dira. Nolabait jokalari gazte horien gidari den
Mikel Razkin Fraile izan da garailea, lau partida irabazi eta bat berdindu
ondoren. Txukun aritu da, baina beste faboritoen irristadek lagundu diote. Adibidez,
Mikel Ochoak lehenengo txandan galdu zuen Julen Arbeloaren aurrean eta Joseba
Otanok bigarren txandan Oier Lacruzen aurrean. Hori bai, bere lana ongi eginda
jantzi du txapela.
Xabier Abaurrea bigarren geratu da,
kontuan hartzeko jokalari dela berretsi ondoren. Joseba Otano hirugarren geratu
da eta, puntutan berdinduta bukatu arren, Juan Maria Rey podiumetik kanpo
geratu da.
14 urtez azpiko lehenengo jokalaria
Julen Arbeloa izan da, maila polita erakutsita.
Antsoaingo I. Xake Torneoa data
berberetan izanik, txapelketak partaidetza galera izan du. Hala ere, betiko
giroa mantendu da eta txapeldun berria ezagutu du.
Iruñean, 2014ko irailaren 11an.